*****
కుర్చీ కూసాలు పుచ్చిపోతున్నయ్
ఎపుడో ఆ కాళ్లు విరిగిపోనున్నయ్
జెర పయిలం! కుప్పకూలుడు ఖాయమే !!
మీ మెదళ్లు కుళ్లి మురిగిపోతున్నయ్
******
పదనలేదనుకోకు గమనించుకో..!
అహంకారబుద్ధిని వదిలించుకో ..
సాపకింద నీరు పారుతూ ఉంది !
సునామై ముంచుతది గుర్తుంచుకో!!
*****
అధికారదాహం రక్తాన్ని తాగుతూనె ఉంది
కుర్చీపై మోజు బ్రతుకులని మింగుతూనె ఉంది
మనిషికైన,మాటకైన స్వేచ్ఛ ఎక్కడుందసలు!?
మత్తేదొ, ప్రజాస్వామ్య పీకను కోస్తూనె ఉంది
*****
కూస్తూనే ఉన్నరు కారుకూతలేవో పిచ్చిపట్టినట్లుగా !
చేస్తూనే ఉన్నరు వెకిలిచేష్టలేవో మెదడు దొబ్బినట్లుగా !
మనిషి ఎదగడమంటే మరొకడిని పాతాళానికి తొక్కుడు కాదు!
మోస్తూనే ఉన్నరు మీ పాడెలను మీరే మతి చెదిరినట్లుగా!
*****
No comments:
Post a Comment