శిక్షణ

శిక్షణ

బడి పోరలను
బరిగే వట్టి కొట్టుడు తప్పు !
బువ్వ వెట్టె కాడ వెడితే
బుగులు జెప్పుడు తప్పు.. !
బోధించేటపుడు
బాధించినా...
బెదిరిచ్చుడు తప్పు..!!

బరిగె వట్టక
బుగులు వెట్టక
బుధ్ధి చెప్పుడు ఒప్పు..!
బతుకు భారం మోస్తూ
బజార్ల పోరడు కనబడ్డా తప్పు..!
బడిబాట వదిలి
పనిబాట వడితే మరింత తప్పు..!!
"బుక్కు ఒక్కటే
బువ్వ వెట్టదీ...
బతకడానికి
పని కూడా నేర్వాలన్న
పోరడే ఒప్పు..!?

" ఆర్ టి ఈ లు ఆక్ట్ లు
వందలు వేలచ్చినా..
తప్పేదో.. ఒప్పేదో
తప్పక వదిలిపెట్టి
బడి పంతుల్లు గా
బాధ్యత వహించి
భావి పౌరుల
భవిష్యత్ నిర్దేశనలో
బాగుపడే దిశగా
బంగారు బాటలు చూపుదాం...
న్యాయ, సమసమాజ
నిర్మాణానికి
నాంది పలుకుతూ
నీతిగల్ల పునాదులేద్దాం...
....................................తగిరంచ నర్సింహ రెడ్డి
.. ( తాడ్వాయి లో జరిగిన ఉపాధ్యాయ శిక్షణ జూన్ 2011 లో )

ఆశ.



గుండె గొంతు మూగబోయి
గుండె సవ్వడి ఆగిపోయే వరకు
గువ్వ పిల్లలా నీ గుండె గూటిలో
గుడి కట్టుకుని గుసగుసలాడలనీ..



చిరునవ్వు చిరునామా చెదిరి పోయి
సిరిమువ్వల సరిగమలు నిశబ్ధమై పోయేవరకు
చిరుసవ్వడి చేసే నీ ఎదఝరిలో
చిగురాకుల గలగలనై కలిసిపోవాలనీ....

ఊపిరి ఊరు పేరు మారిపోయి
ఉఛ్వాస నిశ్వాసముల ప్రాణం పోయేవరకు
ఊపిరికే ప్రాణం పోసే నీ ఊపిరిలో
ప్రాణవాయువై కలిసి నీ ఎదలో నిండిపోవాలనీ...

..............................నరసింహ రెడ్డి తగిరంచ

భాగ్యరేఖలు...

• భాగ్యరేఖలు.

రవి కిరణముల నీ కనుచూపులు
కవి కలములకు ప్రాణ దీపాలు
భువి లోగిలిలోనే స్వర్గలోకాలు
ఎద సడులలో ప్రణయగీతాలు
మది మందిరంలో దైవ స్వరూపాలు

రవి కిరణముల నీ కనుచూపులు
రసరమ్య గోదావరి అలలు
రాగ రంజిత మంజీర నాదాలు
రవళించే హృదిలో అమృత కలశాలు
రమణీయ ప్రకృతిలో సుందర దృశ్యాలు


శశి కిరణముల నీ కను చూపులు
ఎదపై సంధించిన మన్మధ బాణాలు
మది లో నిలిపిన మహత్తర కావ్యాలు
సరస గీతాల ప్రేమ జలపాతాలు
సాంతం నీకంకితమైన నా పంచప్రాణాలు...

శశి కిరణముల నీ కను చూపులు
శతకోటి భావాల శరత్ చంద్రికలు
శతాయుస్సునిచ్చే సుధామధురిమలు
నిశీధిని నిలువునా చీల్చే కాంతిధారలు
పసి మనస్సై కరుణించే పద్మసుమాలు
బానిసలా నీ చెంత చేర్చిన నా భాగ్యరేఖలు... .


.......నర్సింహ రెడ్డి తగిరంచ

???...

నువ్వే నా గుండె నిండుగా..

ఊపిరితో నా గుండె అంతా నువ్వై ఉండగా..

ఇంకా ఈ గుండెల్లో గుడి ఎందుకు..?

నా చెంత నుండి నువ్వు కవ్విస్తుండగా..
ఇంకా.. వేరే ఊహలు ఎందుకు..?

నీ ఊసులే నను పులకరింపజేస్తుండగా...
ఇంకా.. ఆ తొలకరి జల్లుల స్పర్శలేందుకు..?

ప్రేమ దేవతవై నువ్వు కరుణిస్తుండగా..
ఇంకా.. ఆ దేవి కటాక్షమెందుకు..?

ప్రేమ లోకంలో వన విహారం చేస్తుండగా..
ఇక ఆ స్వర్గలోక సౌఖ్యాలేందుకు..?

. . తగిరంచ నర్సింహ రెడ్డి
ఫరీద్ పేట్..

నువ్ నా ప్రేమ గౌతమై...

రాంగా .. రైటా ..? !

రాంగా .. రైటా ..? !

నువ్ నిజంగా -
నిజంగా ఉద్యమకారుడివైతే..
సమాజహితం కోరే
సదుద్దేశ్య నాయకుడివైతే...
అన్నార్తుల ఆర్తనాదాలు విని
ఆకలి తీర్చే పోరుబాటలో వీరుడివైతే..
నువ్ నిజంగా-
నిజంగా మానవత్వమున్న
మామూలు మనిషివైనా ఐతే..
నువ్ చేసింది రాంగా .. ?రైటా ..? !


నీ ఒంట్లో జ్వలిస్తున్న
ఎర్రటి నెత్తుటి ముద్దకు తెలుసు..!
నరనరాన పౌరుషాగ్నితో
ప్రవహించే నెత్తురుకు తెలుసు..!
నిన్ను నిలువెల్లా కదిలిస్తున్న
నీ కీళ్ళ సప్పుడుకు తెలుసు..!
నిన్నీ స్థాయికి చేర్చిన
అణువణువుకు ....
నీ అంతరంగానికి తెలుసు..!
నువ్ చేసిందీ రైటో..? రాంగో..?
నీ అంతరాత్మకు
అంతకన్నా బాగా తెలుసు..
నువ్ చేసిందీ రైటో..? రాంగో..?

పుణ్య కార్యం కోసం జర్గుతున్న
పవిత్ర యజ్ఞంలో ఉవ్వెత్తున్న
ప్రజ్వరిల్లే అగ్నిశిఖలను ...
మేఘ ( మనీ ) మథనం జరిపి
మామూలూ మంటల్లా
సల్లార్పుటా .. సల్లర్పాల్నుకోనుట ...
రాంగా .. ?రైటా ..? !
నువ్ చేసింది రాంగా .. ?రైటా ..? !

డబ్బాలు గీసుకుని
కండ్లు మూసుకుని
రాంగా .. ?రైటా ..? !
అంటూ ఆడిన ఆట
యాదికున్నదా..?
గీత తొక్కితే రాంగే..
రాంగంటే ఔటన్నట్లే..
ఔటంటే
ఆటలకేంచి అవతలికన్నట్లే..

ఆలోచించుకో...
నువ్ చేసింది రాంగా .. ?రైటా ..? !



నరసింహా రెడ్డి తగిరంచ

ప్రియతమా

priyatamaa

ప్రేమంటే....
హృదయంలో
హృదయ దేవేరిని
ఆత్మీయంగా బందించడం...

అంతేకాని ..
హృదయాన్ని వేధించడం కాదు...
ఆత్మను అంతం చేయడం కాదు...

చిరుజల్లుతోనే
చిగురులు తొడిగి

మరుజన్మలో కూడా

ఇరు మనసులలో ఒకే
చిరుశ్వాసయి వెలిగే
అమృత వర్షిని ..... ప్రేమ

.... నరసింహ రెడ్డి తగిరంచ

కవితలు

ప్రేమే నువ్వై...

చిరునవ్వుతో కనిపిస్తావు
ప్రతి రోజూ నా కలలో...
చిరుదివ్వెల వెన్నెలవవుతావు
ప్రతి నిత్యం నా కళ్లలో...
చిరుగాలితో స్పర్షిస్తావు
ప్రతి క్షణం నా మదిలో....
సిరిమువ్వల సవ్వడి చేస్తవు
అనుక్షణం నా ఎదలో....

కవితలు

జీవితం జీవితం జీవితం
సుఖ దు:ఖ అనుభవాల సంగమం
అనుభవం అనుభవం అనుభవం
గత సమస్యల భావ సంఘర్షణల సారం

దసరా:

విజయ దశమి శుభాకాంక్షలు.

బతుకమ్మ పండగ

అందరికి బతుకమ్మ పండగ శుభాకాంక్షలు.