మొగులుమీది సూపు మాత్రమే మిగిలింది!*

*మొగులుమీది సూపు
 మాత్రమే  మిగిలింది!*
                    నర్సింహారెడ్డి తగిరంచ

మురిపిచ్చిన కాలమిపుడు
పిచ్చిపట్టి యాడతిరుగుతుందో !
పచ్చనిపొలాలన్ని
పచ్చిదనం లేక
మలమలమాడిపోతున్నయ్ !!
లగాయించి వాన వడ్డదని
లాగోడి వెట్టుకుంట పోయె
అప్పుమీద అప్పుతెచ్చి !!
నాలుగు చినుకులు రాలకపోతయా
నాలుగిత్తులు పండకపోతయా అని
నాట్లేసుకుంటపోయె  !!
గిప్పుడు
మొగులుమీది సూపు మిగిలింది !
దిగులు గుండెలమీద గుదిబండైంది !
అప్పు  బుగులు  పుట్టిస్తుంది  !
పాడుకాలమును తల్చుకుంటుంటె
పీడకలలై పానము తీయవట్టె !!

అమ్మ
తనపిల్లలకు అన్నం తినవెడ్తది !
అమ్మకన్న గొప్ప రైతన్న !
లోకానికే తిండి తిన వెడ్తడు !!
నాకే కావాలనే
స్వార్థమే  లేని
వరి  మొలక రైతు !
ప్రపంచపు ఆకలితీర్చే
ప్రేమగింజయె రైతు  !
కరిమబ్బుల మాయ
రైతుమొలకలను
ముంచుతుందో ..
నలుగురికి బువ్వవెట్టే
ప్రేమ గింజలను
పంచుతుందో ... !!
మొగులుమీది సూపు
 మాత్రమే  మిగిలింది !!